Sky Sports segir að Manchester United sé komið í formlegt samtal við Brentford um kaup á Bryan Mbeumo. Hann hefur sjálfur látið vita að hann vilji fara til United.
Newcastle, Tottenham og Arsenal höfðu öll sýnt því áhuga á að kaupa Mbeumo í sumar.
Mbeumo er 25 ára gamall sóknarmaður frá Kamerún sem átti frábært tímabil með Brentford og er því eftirsóttur.
Times segir að Mbeumo sé með 50 þúsund pund á viku hjá Brentford í dag en hann fari fram á 250 þúsund pund á viku hjá United.
Óvíst er hvort United sé tilbúið í slíkan launapakka en Sir Jim Ratcliffe hefur verið að reyna að lækka kostnað hjá félaginu.
Félagið hefur í mörg ár greitt mikið af leikmönnum feitan launatékka sem hefur litlu skilað innan vallar.
