Jóhann Berg Guðmundsson leikmaður íslenska landsliðsins getur orðið sá fimmti í sögunni til að spila 100 landsleiki fyrir land og þjóð. Íslenska liðið mætir Skotum á föstudag.
Um er að ræða æfingaleik en Jóhann lék sinn fyrsta landsleik árið 2008 þegar Ólafur Jóhannesson gaf honum eldskírn sína.
Jóhann hefur átt fast sæti í hópnum síðan þá og verið í stóru hlutverki þegar hann hefur verið heill heilsu.
Aron Einar Gunnarsson er í öðru sætinu með 106 landsleiki og getur nálgast Birki Bjarnason á næstunni, Birkir er ekki lengur valinn í hópinn en hann lék 113 landsleiki á sínum ferli.
Leikjahæstu menn í sögu Íslands:
1. Birkir Bjarnason 2010-2022 113
2. Aron Einar Gunnarsson – 2008 – 106
3. Rúnar Kristinsson 1987–2004 104
4. Birkir Már Sævarsson 2007–2021 103
5. Jóhann Berg Guðmundsson 2008 – – 99
