Chelsea er búið að festa kaup á sínum fyrsta leikmanni þetta sumarið en sá ber nafnið Dario Essugo og gerir átta ára samning.
Essugo er líklega fyrsti af mörgum sem Chelsea semur við í sumar en miklar breytingar verða gerðar á leikmannahópi liðsins.
Essugo er miðjumaður og kostar 18,5 milljónir punda en hann var áður á mála hjá Sporting í Portúgal.
Þessi tvítugi strákur spilaði alls 23 leiki fyrir aðallið Sporting og enn fleiri leiki fyrir varaliðið.
Essugo á ekki að baki A landsleik fyrir Portúgal en hefur leikið fyrir öll önnur yngri landslið.
