Liam Delap er orðinn leikmaður Chelsea en þetta staðfesti félagið á heimasíðu sinni í kvöld.
Englendingurinn kemur til Chelsea frá Ipswich en hann er 22 ára gamall og skoraði 12 mörk í efstu deild í vetur.
Frammistaða Delap vakti athygli þónokkra liða og var hann á meðal annars orðaður við Manchester United og Arsenal.
Chelsea tókst að tryggja sér þennan ágæta framherja sem kostar félagið um 30 milljónir punda.
Delap mun væntanlega berjast um byrjunarliðssæti við Nicolas Jackson á næsta tímabili.
