„Ég fékk pistil ofan af Skaga 7:40 í morgun,“ sagði Kristján Óli Sigurðsson sérfræðingur Þungavigtarinnar um stöðu Skagamanna í hlaðvarpi þeirra félaga.

Það er dökkt ský yfir Akranesi vegna stöðu liðsins í Bestu deild karla þar sem liðið situr á botni deildarinnar.

ÍA vann magnaðan sigur á Breiðablik í síðustu viku en þremur dögum síðan fengu Skagamenn skell frá ÍBV á heimavelli.

Svona hljóðaði bréfið:
Sælir ég var að ræða við gamlan leikmann af Skaganum í gær og hvernig þeir mæta í mótið, Skaginn mætir til leiks með veikari hóp en í fyrra. Þeir lána frá sér leikmenn sem voru á bekk og að spila mínútur, þeir sækja leikmenn sem eru ekki nógu góðir í þessa deild. Við erum með slakasta markvörð í sögu efstu deildar.

Jón Þór hefur ekki verið með lausnir og það á bara að rífa sig í gang, þeir þurfa tvo leikmenn í glugganum og nýjan mann í brúnna áður en illa fer.

Kv einn vel pirraður Skagamaður.

Nokkur umræða fór síðan fram í Þungavigtinni um stöðu mála hjá ÍA en Jón Þór Hauksson er þjálfari liðsins. „Jón Þór sagði að leikmenn hefðu ekki höndlað að vinna Blika,“ sagði Ríkharð Óskar Guðnason

Kristján Óli tók svo til máls. „Ég vil meina að næsti leikur Afturelding vs ÍA, sé fyrsti tólf stiga leikur sumarsins.“