Ruben Amorim, stjóri Manchester United, segir að það gæti verið gott fyrir sína menn að fá meira baul frá stuðningsmönnum félagsins í leikjum.

United spilaði við úrvalslið frá Asíu í gær og tapaði 1-0 stuttu eftir mjög svekkjandi tímabil í ensku úrvalsdeildinni þar sem liðið hafnaði í 15. sæti á tímabilinu.

Leikið var í Malasíu en Amorim og hans menn töpuðu mjög óvænt 1-0 gegn liði sem kallar sig ASEAN All-Stars.

Sterkir leikmenn spiluðu fyrir United í þessum leik en þrátt fyrir það náði liðið að sýna fáa góða hluti og töpuðu gegn þeim asísku.

Gengi United á tímabilinu heilt yfir hefur verið afskaplega slakt og náði liðið ákveðnum hápunkti með þessu tapi í gær.

,,Ég finn alltaf fyrir sök og svo heyri ég baul frá stuðningsmönnunum, kannski er það eitthvað sem við þurfum í öllum leikjum sem við töpum í úrvalsdeildinni,“ sagði Amorim.

,,Þeir eru alltaf til staðar. Ég hef alltaf fundið fyrir stuðningsmönnunum síðan ég kom hingað, þeir eru með okkur.“

,,Við sjáum til á næsta tímabili, við eigum að gera mun betur.“