Liverpool og Chelsea munu berjast í sumarglugganum en bæði félög gera sér vonir um að semja við sóknarmanninn Hugo Ekitite.

Frá þessu greina ýmsir miðlar og þar á meðal blaðamaðurinn Florian Plettenberg sem segir að Liverpool sé að sýna Ekitite mikinn áhuga.

Um er að ræða sóknarmann Frankfurt en hann mun kosta allt að 100 milljónir evra í sumar sem er svo sannarlega ekki lítil upphæð.

Chelsea og Liverpool vilja bæði fá til sín sóknarmann fyrir næsta tímabil og verður baráttan um þennan ágæta leikmann hörð miðað við nýjustu fregnir.

Ekitite spilaði virkilega veð með Frankfurt á tímabilinu en hann skoraði 22 mörk í 48 leikjum og lagði einnig upp önnur átta mörk.