Steven Caulker, fyrrum leikmaður Liverpool, er sagður vera á leið til Stjörnunnar en þetta eru ansi áhugaverð tíðindi.

Sparkspekingurinn og fyrrum leikmaðurinn Albert Brynjar Ingason segir frá en hann lét þessi ummæli falla á Stöð 2 Sport.

Caulker er sagður hafa verið á vellinum í kvöld er Stjarnan spilaði við KR og vann þar flottan 4-2 heimasigur.

Caulker á að baki einn landsleik fyrir England sem kom árið 2012 og skoraði hann einnig í sama leik.

Caulker er 33 ára gamall en hann hefur undanfarið spilað með Ankara Keciorengucu í Tyrklandi.

Englendingurinn lék fyrir nokkur lið á Englandi en þar ber helst að nefna Liverpool og Tottenham.