Mikel Arteta var afar svekktur eftir sársaukafullt tap Arsenal gegn Aston Villa, þar sem sigurmark Emi Buendía á 95. mínútu minnkaði forskot toppliðsins í aðeins þrjú stig.

Leandro Trossard hafði jafnað metin í síðari hálfleik eftir mark Matty Cash og virtist tryggja Arsenal stig, en Villa braut 18 leikja tapleysi Lundúnaliðsins með dramatískum lokaspretti.

Arsenal hefur nú tapað sjö stigum í síðustu fimm leikjum. „Mjög sársaukafullt, sérstaklega eftir allan þennan kraft sem við lögðum í leikinn. Við erum gríðarlega vonsvikin með hvernig við töpuðum,“ sagði Arteta.

Hann gagnrýndi klaufamiströk liðsins í fyrri hálfleik: „Við áttum í vandræðum með óvenjuleg mistök eftir að hafa unnið boltann, sem er hættulegasta augnablikið gegn þessu liði. Fyrir utan atvikið með Watkins, sem var brot, man ég ekki eftir neinu öðru.“

Arteta sagði að liðið yrði að læra af tapinu. „Við verðum sterkari fyrir vikið.“