Steven Gerrard, goðsögn hjá Liverpool, segir að félagið hefði átt að að reyna að fá Declan Rice frá West Ham sumarið 2023.

Rice gekk þá til liðs við Arsenal og varð sá dýrasti í sögu félagsins, en Englendingurinn hefur síðan fest sig í sessi sem einn besti miðjumaður heims. Gerrard hrósaði samlanda sínum í viðtali á dögunum.

„Ég held að hann sé virkilega að komast í þann flokk að vera orðinn heimsklassa miðjumaður. Við hefðum átt að reyna að ná honum frá West Ham.

Ég veit ekki hvort við gerðum það, en ímyndið ykkur hann á þessari miðju Liverpool núna,“ sagði Gerrard og bætti við að hann teldi að Rice hefði passað fullkomlega í lið Arne Slot á Anfield.