Mark Goldbridge sem er stjarna á Youtube tengdur Manchester United, hefur byggt upp öflugan vettvang sem hefur gagnast honum á fleiri en einn hátt.
Goldbridge, sem heitir réttu nafni Brent Di Cesare, hefur á undanförnum árum orðið gríðarlega vinsæll á samfélagsmiðlum fyrir umfjöllun sína um Manchester United. Hann hefur byggt upp stóran fylgjendahóp með lifandi og oft vinsælum viðbrögðum sínum í svokölluðum „watch-along“ útsendingum fyrir hvern leik á rás sinni, The United Stand.
Nú hefur komið í ljós að þessi starfsemi hefur einnig verið afar arðbær. Í gegnum fyrirtæki sitt, OMS Investments Limited, sem Goldbridge er eini stjórnandi hjá, greiddi hann sjálfum sér sjö stafa upphæð á síðasta ári. Samkvæmt gögnum frá Companies House nam greiðslan alls 1,5 milljónum punda á tímabilinu frá 31. desember 2023 til 31. desember 2024.
Reikningar sýna jafnframt að eignir OMS Investments Limited árið 2024 námu 4,96 milljónum punda, sem er hækkun um 1,6 milljónir frá árinu 2023.
Auk The United Stand rekur Goldbridge einnig YouTube-rásina That’s Football, þar sem fjallað er um fleiri félög og stærstu fréttir knattspyrnunnar. Í ágúst jókst umfang starfseminnar enn frekar þegar hann fékk réttindi til að sýna valda leiki úr þýsku Bundesligunni á þessu tímabili.
