Samkvæmt heimildum Daily Mail Sport hefur bandaríski fjárfestirinn John Textor átt viðræður við Dejphon Chansiri, formann Sheffield Wednesday, um möguleg kaup á félaginu en samningar eru enn langt í frá í höfn.

Textor seldi nýverið hlut sinn í Crystal Palace til Woody Johnson fyrir um 190 milljónir punda í vonlausri tilraun til að koma í veg fyrir að Palace félli úr Evrópudeildinni niður í Sambandsdeildina.

Textor hefur áður sýnt áhuga á Sheffield Wednesday, sem glímir nú við alvarleg fjárhagsvandamál og á von á refsingu í formi stigafrádráttar eftir að leikmenn fengu ekki greidd laun á réttum tíma, í annað sinn á skömmum tíma.

Heimildir telja að Chansiri vilji fá um 100 milljónir punda fyrir félagið, en geti verið tilbúinn að sætta sig við tilboð í kringum 70 milljónir. Hann keypti félagið sjálfur árið 2015 fyrir um 30 milljónir.

Þrátt fyrir að félagið hafi möguleika til framtíðar gæti verðmiðinn aftrað mögulegum kaupendum, enda er Hillsborough-leikvangurinn í mikilli viðhaldsþörf og leikmannahópurinn rýr eftir sumarútgöngur.