Rúben Amorim, stjóri Manchester United, vonast til að ungi markvörðurinn Senne Lammens verði þeirra útgáfa af Thibaut Courtois og samkvæmt enskum blöðum er hann nú þegar undir handleiðslu sjálfs Courtois.

Lammens, 23 ára belgískur markmaður, kom til United á lokadegi félagaskiptagluggans fyrir 18,2 milljónir punda og hefur Amorim sýnt honum föðurlega umhyggju síðan. Hann sér fyrir sér að Lammens verði framtíðarburðarás í leik liðsins.

Innanbúðarmenn hjá félaginu líta á Lammens sem „Courtois 2.0“ með frábæra hæfileika í loftinu, líkamlegan styrk og öflugar spyrnur með boltann.

Altay Bayindir hóf tímabilið sem aðalmarkvörður United og lék fyrstu sex leikina í úrvalsdeildinni. Amorim ákvað þó að breyta og gaf Lammens tækifærið í leiknum gegn Sunderland um helgina– þar sem hann vakti athygli fyrir dugnað og skipanir á vellinum.

Það sem vekur sérstaka ánægju hjá Amorim er tengslin milli Lammens og Courtois. Þeir hafa verið í reglulegum samskiptum og voru saman í landsliðsverkefni í mars. Courtois, sem varð meistari með Chelsea, hefur ráðlagt Lammens um hvernig best sé að takast á við pressuna sem fylgir því að vera markvörður hjá Manchester United.

Eftir leikinn gegn Sunderland lét Courtois ljós sitt skína á samfélagsmiðlum United með lófaklappi ,og sendi þannig ungum landsmanni sínum skilaboð um að hann væri á réttri leið.