Forsala á leiki A-landsliðs karla gegn Úkraínu og Frakklandi sem fara fram í október hefur gengið mjög vel. Forsalan hófst í hádeginu í gær og fer miðum verulega fækkandi.
Miðasala á staka leiki hefst á eftirfarandi dagsetningum og verður takmarkaður fjöldi miða í boði:
Ísland – Úkraína, miðasala hefst mánudaginn 29. september kl. 12:00.
Ísland – Frakkland, miðasala hefst miðvikudaginn 1. október kl. 12:00.
Ísland vann 5-0 sigur á Aserbaísjan á dögunum og tapaði svo naumlega gegn Frökkum. Frammistaðan var frábær og ljóst að mikill áhugi er að kvikna á Strákunum okkar á ný.
