Eins og greint var frá fyrr í dag þá er það vilji Granit Xhaka að fara til Englands þar sem hann lék áður með Arsenal.
Umboðsmaður Xhaka staðfesti það að Xhaka vildi yfirgefa Bayer Leverkusen og skrifa undir samning við Sunderland.
Sunderland hefur verið á eftir Xhaka í nokkrar vikur en liðið tryggði sér sæti í efstu deild í vetur.
Erik ten Hag, stjóri Leverkusen, er á öðru máli en hann hefur engan áhuga á að hleypa Xhaka burt.
,,Umboðsmaður Xhaka getur sagt það sem hann vill en þetta félag hefur nú þegar losað þrjá mikilvæga leikmenn,“ sagði Ten Hag.
,,Við ætlum ekki að hleypa fleirum burt. Granit er leiðtogi og er samningsbundinn næstu þrjú árin.“
