Áhrifavaldurinn Connie Grace hefur tjáð sig um þær sögusagnir sem hafa verið á kreiki undanfarið.

Grace hefur verið mikið í umræðunni en hún var í sambandi með Cole Palmer og er talið að því sambandi sé lokið.

Palmer er leikmaður Chelsea á Englandi og var fjallað um að hann hafi hafnað bónorði kærustu sinnar sem varð til þess að þau hættu saman.

Grace harðneitar þessum sögusögnum en hún birti Instagram myndband og hafði þetta að segja.

,,Ekki trúa öllu sem þið lesið á netinu. Það sem fólk lýgur um til að fá klikk eða ‘like’ er svo sorglegt,“ sagði Grace.

,,Það er galið hversu mikið áreiti ég hef fengið frá fullorðnum mönnum síðasta sólarhringinn.“

,,Nei ég hef aldrei beðið neinn um að giftast mér.“