Jonathan Barnett, leiðandi umboðsmaður í knattspyrnuheiminum, er kærður fyrir bandarískum dómstóli vegna ásakana um mansal, pyntingar og nauðgun.

Í einkamáli sem höfðað var fyrir héraðsdómstóli í Kaliforníu er fullyrt að Barnett hafi „smyglað“ konunni frá Ástralíu til Bretlands árið 2017, „pyntað“ hana í sex ár með því að halda henni sem „kynlífsþræl“ og áreitt hana kynferðislega, þar á meðal með nauðgað henni oftar en 39 sinnum

Hann er einnig sakaður um að hafa ítrekað hótað henni lífláti. CAA umboðsskrifstofan er sökuð um að hafa tekið þátt í þessu með Barnett með því að hafa notað starfsmenn sína til að aðstoða Barnett við að halda henni sem kynlífsþræl.

Meint atvik eiga að hafa átt sér stað frá 2017 til 2023. Barnett hætti sem umboðsmaður í fyrra, hann er þekktastur fyrir að hafa séð um málefni Gareth Bale en nokkur fjöldi Íslendinga var hjá honum um tíma. Jack Grealish og fleiri hafa verið skjólstæðingar hjá Barnett.

Í kærunni fullyrðir nafnlaus kona, sem kölluð er Jane Doe, að Barnett hafi „átt hana“ sem „kynlífsþræl“ í sex ár og beitt hana ofbeldi og misnotkun sem vinnuveitendur hans hafi hulið.

„Þetta mál snýst um hvernig einn öflugasti maður heims í íþróttum var með kynlífsþræli í mörg ár, með aðstoð starfsmanna sinna, endurskoðenda, og fjölskyldumeðlima, og notaði peninga sína og vald til að viðhalda nauðungarstjórn yfir henni og halda henni í ótta um líf sitt og líf barna sinna,“ segir í kærunni.

CAA hafnar því að hafa vitað af málinu og segir að það hefði fyrst frétt af ásökununum í janúar 2024 og að Barnett hefði yfirgefið fyrirtækið mánuði síðar. Fyrirtækið neitar staðfastlega allri fyrri vitneskju um kærurnar gegn honum.

CAA og Barnett hafa tuttugu daga til að svara fyrir málið, hjá CAA Stellar í dag er fjöldi Íslendinga sem skjólstæðingar og þá starfa íslenskir umboðsmenn hjá skrifstofunni.