Wrexham er að fá til sín afskaplega reyndan markvörð en þetta kemur fram í fjölmörgum enskum miðlum.
Um er að ræða hinn 32 ára gamla Danny Ward sem hefur spilað með Leicester undanfarin sjö ár.
Ward er í dag samningslaus og mun fara í læknisskoðun hjá Wrexham í vikunni – liðið er nýbúið að tryggja sér sæti í næst efstu deild.
Ward var aðalmarkvörður Leicester 2022-2023 en fékk mikla gagnrýni fyrir frammistöðu sína það tímabil og spilaði ekki leik tímabili seinna.
Ward á að baki 44 landsleiki fyrir Wales en hann þekkir vel til Wrexham og er uppalinn hjá félaginu en tókst aldrei að spila leik fyrir aðalliðið.
