Steven Caulker er mættur í Stjörnuna sem spilandi aðstoðarþjálfari, hann er mættur á hliðarlínuna og fær leikheimild í júlí.

Caulker á farsælan feril að baki en hann hefur spilað með Tottenham, Liverpool og fleiri liðum.

Rætt var um komu Caulker í Garðabæinn í hlaðvarpinu Dr. Football og launapakka hans.

„Sumir vilja meina í Garðabænum að hann sé nánast að koma frítt, að hann sé að fá þjálfarareynslu. Menn gera mikið úr því, ég kaupi það ekki rassgat,“ sagði Jóhann Már Helgason.

Jóhann segir hina söguna segja að Caulker fái nálægt 3 milljónum á mánuði.

„Svo heyrir maður 3 milljónir á mánuði, ég þori ekki að fara með það hvort það sé rétt.“