Wayne Rooney, goðsögn Manchester United, var miður sín á sínum tíma er hann komst að því að liðsfélagi sinn, Carlos Tevez, væri á leið til grannana í Manchester City.
United fékk tilboð frá City í Tevez sem félagið samþykkti árið 2009 eftir að hafa leikið með þeim rauðklæddu í tvö ár.
Tevez spilaði með City í fjögur ár og var vinsæll á meðal stuðningsmanna áður en hann færði sig yfir til Juventus á Ítalíu.
,,Ég var miður mín ef ég er alveg hreinskilinn. Ég er nokkuð viss um að Carlos hafi viljað vera áfram hjá United,“ sagði Rooney.
,,City var á þessum tíma að byggja upp lið og reyna að blanda sér í baráttuna um titla og ég vissi um leið að hann yrði stór hluti af því vegna þeirra gæða sem hann bjó yfir.“
,,Við sáum það eftir komuna þangað, hann upplifði nokkur frábær tímabil. Ég var miður mín, ég hefði viljað spila lengur með honum.“
