Tveimur leikjum var að ljúka í Bestu deild karla en leikið var á Ísafirði og á Lambhagavellinum.

Fram vann flottan 2-0 sigur heima gegn ÍBV þar sem Freyr Sigurðsson og Jakob Byström komust á blað.

Fram hefur verið á fínu róli undanfarið og lyfti sér upp í fimmta sæti deildarinnar og er með 19 stig eftir 13 leiki.

ÍBV hefur verið að dala undanfarið og var að tapa sínum þriðja deildarleik í röð og situr í níunda sætinu.

ÍA vann sinn fjórða sigur á tímabilinu á sama tíma gegn liði Vestra sem hefur ekki náð að fylgja eftir mjög góðri byrjun á tímabilinu.

ÍA er enn á botninum þrátt fyrir sigurinn en þeir Ísak Máni Guðjónsson og Ómar Björn Stefánsson skoruðu mörkin.