Lucas Paqueta gæti verið að yfirgefa enska boltann aðeins 27 ára gamall og vill snúa aftur til heimalandsins.

Þetta kemur fram í bæði enskum og brasilískum fjölmiðlum en ástæðan eru ákærur sem leikmaðurinn er nú að svara fyrir.

Paqueta var fyrir þónokkru ákærður um veðmálasvindl en hann er leikmaður West Ham og hefur engin niðurstaða fengist í málinu hingað til.

Paqeta er ásakaður um að hafa fengið viljandi gult spjald í fjórum leikjum frá 2022-2023 og hjálpaði þar með vinum sínum að græða pening.

Ef Paqueta er fundinn sekur eru miklar líkur á því að hann verði dæmdur í langt bann ef ekki lífstíðarbann frá fótbolta.