Marcus Rashford á ekki skilið að fá félagaskipti til Barcelona í sumar ef þú spyrð goðsögn Manchester United, Teddy Sheringham.
Rashford er talinn vilja komast til Barcelona í sumar en hann er ekki inni í myndinni hjá uppeldisfélaginu og var lánaður til Aston Villa seinni hluta tímabils á síðustu leiktíð.
Sheringham segir að það sé ekkert vit í því fyrir Rashford eða Barcelona að ganga frá þessum skiptum – þar sem leikmaðurinn hefur lítið sem ekkert sýnt undanfarið ár.
,,Ég vona innilega að Rashford gangi ekki í raðir Barcelona. Fyrir nokkrum árum sáum við skemmt epli í Pierre Emerick Aubameyang hjá Arsenal gera það sama. Mikel Arterta vildi losna við hann, þvílíkt skref fyrir skemmt epli!“ sagði Sheringham.
,,Að Rashford vilji ekki spila fyrir United, stuttu eftir að hafa skrifað undir risasamning.. Hann er ánægður með launaseðilinn. Nú vill hann fara til Barcelona? Úff.“
,,Ég vona innilega að það verði ekkert úr þessu, fótboltaferill á aldrei að fara í þessa átt. Ef þú ert að spila vel þá geturðu farið þangað sem þú vilt.“
