Ilia Topuria segist vera búinn að fyrirgefa goðsögninni Cristiano Ronaldo eftir ummæli sem sá síðarnefndi lét falla í fyrra.

Ronaldo gagnrýndi þar þennan georgíska UFC bardagamann og vildi meina að hann væri alltof mikið fyrir sviðsljósið og einfaldlega talaði of mikið.

Það fór verulega í taugarnar á Topuria í október og svaraði hann með því að segja Ronaldo að ‘fokka sér’ og að fótboltinn væri nú þegar með Lionel Messi í sínum röðum.

Eftir það hefur Ronaldo fylgt Topuria á samskiptamiðlum og virðist sá síðarnefndi vera búinn að fyrirgefa goðsögninni fyrir þau ummæli sem hann lét falla.

,,Nei í dag erum við góðir. Hann sagði eitthvað um mig þegar hann var baksviðs ásamt Ngannou. Þetta særði mig ef ég er hreinskilinn,“ sagði Topuria.

,,Eftir það þá byrjaði hann að fylgja mér á samskiptamiðlum svo einn daginn gætum við kannski rætt málin í persónu.“

,,Um leið og hann fær að kynnast mér þá mun hann ekki hafa þessa skoðun sem hann hefur í dag.“

,,Ég tala of mikið og allt það en það er allt byggt á samskiptamiðlum. Eftir allt saman þá byrjaði hann að fylgja mér svo kannski er hann með aðra skoðun.“