Enskir miðlar hafa verið duglegir að fjalla um Steven Caulker sem er nýjasti Íslandsvinurinn en hann hefur skrifað undir samning við Stjörnuna.

Caulker er 33 ára gamall en hann mun starfa sem aðstoðarþjálfari Stjörnunnar og verður einnig leikmaður liðsins.

Caulker á að baki enskan landsleik og lék þá yfir 100 leiki í ensku úrvalsdeildinni á sínum tíma – hann var síðast í tyrknensku B deildinni.

The Sun fjallar ítarlega um þessi félagaskipti og bendir á að íslenskir miðlar fjalli um þessi skipti sem en sú stærstu í sögu landsins.

Það er í raun ekki hægt að neita því en leikmenn á borð við David James, Lee Sharp og Marc Wilson hafa einnig reynt fyrir sér hérlendis svo eitthvað sé nefnt.

Fjölmargir aðrir miðlar á Bretlandi hafa fjallað um skipti Caulker en þau hafa vissulega legið í loftinu í dágóðan tíma.

Varnarmaðurinn gerir eins og hálfs árs samning við Stjörnuna sem er hans 17. félagslið á ferlinum.