Baldvin Már Borgarsson er hættur sem þjálfari Árbæjar í 3. deild karla, en félagið skuldaði honum töluvert af launum.

Þetta staðfesti hann í samtali við Fótbolta.net í dag, en fjallað var um vangoldin laun Baldvins frá félaginu í gær og að þess vegna hafi hann ekki stýrt liðinu undandarið.

Meira
Baldvin ekki fengið greitt og neitar að mæta til vinnu

Samkvæmt heimildum 433.is er upphæðin sem Árbær skuldar Baldvin rúm milljón króna. Fótbolti.net sagði að hann hafi farið fram á að fá allavega 60 prósent af þeirri upphæð, ef hann ætti að mæta aftur til starfa. Það hefur ekki orðið að því.

Auk þess að vera þjálfari hefur Baldvin vakið athygli sem spekingur í hinum ýmsu hlaðvarpsþáttum um knattspyrnu.