Mohamed Salah gæti misst af allt að sjö leikjum í ensku úrvalsdeildinni í ár, þar á meðal gæti verið leikur gegn Arsenal.

Afríkukeppnin fer af stað í desember þar sem Salah og fleiri leikmenn úr ensku deildinni verða með.

Egyptaland hefur leik gegn Zimbabwe þann 22 desember en mótið fer fram í Marokkó. Líklegt er að Salah fái ekki að spila gegn Tottenham þann 20 desember vegna þess.

Hann mun svo missa af leikjum gegn Wolves og Leeds milli jóla og nýárs.

Riðlakeppni Afríkumótsins klárast 29 desember en fari Egyptaland áfram þá mun Salah að öllum líkindum missa af stórleik gegn Arsenal í byrjun janúar.

Fleiri leikir gætu svo komið til tals fari Egyptaland alla leið en liðið er líklegt til árangurs í Marokkó.