Aston Villa veit af áhuga stórliða á Morgan Rogers en hefur engan áhuga á að selja. Daily Mail segir frá.
Hinn 22 ára gamli Rogers átti frábært tímabil með Villa og skoraði 14 mörk í ensku úrvalsdeildinni. Heillaði frammistaða hans stórlið víða um Evrópu.
Daily Mail segir sérstaklega frá áhuga Arsenal og Chelsea, sem bæði munu leika í Meistaradeildinni á næstu leiktíð, en það er eitthvað sem Villa getur ekki boðið upp á.
Samningur Rogers rennur ekki út fyrr en eftir fimm ár og liggur Villa ekkert á að selja. Hyggst félagið hafna öllum tilboðum, muni þau berast.
