Valentin Furlan og Rudy Galetti eru báðir blaðamenn sem sérhæfa sig í félagaskiptum, þeir færa nú tíðindi af framtíð Bryan Mbeumo.
Mbeumo er sóknarmaður Brentford sem er eftirsóttur en hann hafnaði Newcastle en Manchester United og Tottenham hafa nú sýnt honum áhuga.
Báðir segja frá því núna að Tottenham hafi bakkað út, félagið sjái sig ekki eiga möguleika.
Segja þeir báðir að Mbeumo standi við fyrri orð sín, hann vilji bara fara til Manchester United.
Þeir segja einnig að samtalið milli United og Brentford þokist áfram og að félögin séu nær samkomulagi en áður en Mbeumo sjálfur hefur samið við United um kaup og kjör.
