Nökkvi Þeyr Þórisson hefur verið keyptur til hollenska félagsins Sparta Rotterdam en þetta herma öruggar heimildir 433.is.
Nökkvi er 25 ára ganmall sóknarsinnaður leikmaður sem hefur undanfarin tvö ár verið samningsbundinn St. Louis í Bandaríkjunum.
Sparta fékk Nökkva á láni seinni hluta tímabils í Hollandi þar sem hann lék níu leiki og skoraði í þeim eitt mark.
Hollenska félagið var hrifið af frammistöðu Nökkva og ákvað að festa kaup á leikmanninum sem á að baki einn landsleik fyrir Ísland.
Nökkvi hefur spilað í atvinnumennsku frá árinu 2022 en hann yfirgaf þá lið KA fyrir Beerschot í Belgíu og hélt þaðan til St. Louis.
Kristian Nökkvi Hlynsson spilaði einnig með Sparta á síðasta tímabili eftir komu frá Ajax í sama landi.
