Cristian Romero hefur gefið verulega í skyn að hann gæti verið að kveðja Tottenham í sumar til að spila á Spáni.
Romero staðfestir þó ekki að hann sé á förum en á sér draum og það er að spila í efstu deild á Spáni.
Tottenham vann Evrópudeildina með Romero í hjarta varnarinnar á dögunum en stóð sig hörmulega í úrvalsdeildinni.
,,Ég myndi elska það að spila í La Liga, ég myndi elska það,“ sagði Romero við blaðamanninn Gaston Edul.
,,Ég horfi á mikið af leikjum og margir af mínum samherjum í landsliðinu eru á Spáni. Þetta er deild sem ég vil spila í.“
