Pep Guardiola skaut nýlega föstum skotum á yfirmenn hjá UEFA, FIFA og ensku úrvalsdeildarinnar fyrir komandi tímabil á Englandi.

Guardiola er að undirbúa sitt lið fyrir keppni í úrvalsdeildinni og leik gegn Manchester United í Samfélagsskildinum.

Mikið álag er á stjörnum víðs vegar um Evrópu eftir EM í sumar en Ólympíuleikarnir eru einnig í gangi þar sem þónokkur stór nöfn taka þátt.

Guardiola segir sjálfur að hann þurfi að sjá um eigin leikmenn þar sem þeir fái litla sem enga hjálp frá stjórnendum deildarinnar.

,,Við verðum mættir í stand of seint, þetta snýst allt um að tapa ekki of mörgum stigum, við viljum veita samkeppni. Við erum ekki með alla leikmenn því þeir þurfa hvíld,“ sagði Guardiola á dögunum.

,,Ef stóru samböndin eins og FIFA, UEFA og enska úrvalsdeildin hugsa ekki um leikmennina þá þurfa þjálfararnir að gera það, annars munu þeir deyja.“

,,Þetta er of mikið, þrjár vikur eða mánuður er það sem við þurfum en svona er keppnin og við þurfum að aðlagast.“

Enskir miðlar segja að ummæli Guardiola hafi haft lítil sem engin áhrif á knattspyrnusambandið á Englandi og hvað þá bæði UEFA og FIFA.

Það er lítið verið að spá í því að breyta fyrirkomulaginu á komandi árum og er útlit fyrir að Guardiola þurfi að sjá um eigin menn í einhver ár til viðbótar.