Jason Daði Svanþórsson er genginn í raðir Grimsby Town á Englandi en þetta var staðfest nú í dag.
Um er að ræða athyglisvert skref á ferli leikmannsins sem var áður á mála hjá Breiðabliki.
Blikar eru að missa einn sinn besta ef ekki besta leikmann en hann hafði spilað gríðarlega vel í sumar.
Jason hefur því leikið sinn síðasta leik fyrir Blika í bili en hann gerir tveggja ára samning á Englandi.
Jason er 24 ára gamall en Grimsby spilar í ensku D-deildinni þar sem harkan er mikil.
