Líf Enzo Fernandez, stórstjörnu Chelsea, er ekki að batna en hann birti nýlega virkilega óþægilegt myndband á samskiptamiðla.

Fernandez var í beinni útsendingu er hann og liðsfélagarnir í argentínska landsliðinu sungu níðsöngva í garð franska landsliðsins.

Miðjumaðurinn gæti átt yfir höfði sér harða refsingu vegna rasískra söngva en atvikið átti sér stað eftir úrslitaleik Copa America gegn Kólumbíu.

Nú er BBC að greina frá því að Fernandez gæti verið að missa bílprófið eftir að hafa keyrt yfir á rauðu ljósi undir lok síðasta árs.

Fernandez á að mæta fyrir dómara þann 11. september næstkomandi en hann vildi lítið sem ekkert segja við lögregluna eftir atvikið.

Fernandez er 23 ára gamall og er framtíð hans hjá Chelsea í mikilli óvissu.