Phil Foden harðneitar því að hann hafi verið tekinn af velli gegn Sviss því hann vildi ekki taka vítaspyrnu í viðureigninni.
Um var að ræða leik í 8-liða úrslitum en England hafði betur í vítakeppni þar sem Jordan Pickford varði einu spyrnu leiksins frá Manuel Akanji.
Talað hefur verið um að Foden hafi ekki viljað stíga á punktinn og fór því af velli en hann segir þær sögusagnir ekki réttar.
,,Ég hefði tekið eina spyrnu ef ég hefði verið á vellinum en það eru leikmenn inná sem taka reglulega vítaspyrnur fyrir sínm félagslið svo það er vit í því að leyfa þeim að stíga upp,“ sagði Foden.
,,Ég held að það sé hugsun Gareth, að setja bestu vítaspyrnuskytturnar á völlinn. Ég er ánægður með það í dag því þetta hentaði okkur í sigri.“
,,Eins og ég segi ef ég hefði verið á vellinum þá hefði ég alls ekki mótmælt því að taka spyrnu.“