Það er útlit fyrir það að hjónaband Wesley Fofana og eiginkonu hans Cyrine hangi nú á bláþræði.

Frá þessu greina enskir miðlar en Fofana er nafn sem margir kannast við og leikur hann með Chelsea á Englandi.

Fofana hefur upplifað erfið tvö ár hjá Chelsea en hann hefur glímt við mikið af meiðslum og er afskaplega lítið til taks.

Enskir miðlar segja að Fofana sé hættur að fylgja eiginkonu sinni á Instagram og gerði Cyrine slíkt hið sama – þau gengu í það heilaga fyrir tveimur árum síðan.

Til að bæta gráu ofan á svart þá er búið að eyða öllum brúðkaupsmyndunum af Instagram og er mögulegt að parið sé að skilja.

Fofana er 23 ára gamall og hefur hingað til aðeins spilað 15 deildarleiki með Chelsea en hann kynntist eiginkonu sinni er hann var 18 ára.

,,Eruði að spila einhvern leik hérna? Hvar eru myndirnar?“ sendir einn á Fofana á Instagram og bætir annar við: ,,Þið voruð fullkomin saman, ekki gera okkur þetta!“