Irish Propaganda er vinsæl stuðningsmannasíða fyrir írska landsliðið, þar telja menn að Heimir Hallgrímsson sé svo sannarlega á réttri leið með Írland.
„Ég er orðlaus,“ sagði Heimir Hallgrímsson þjálfari Írlands eftir mikinn skell gegn enska landsliðinu á Wembley í gær.
Írska liðið spilaði góðan fyrri hálfleik en allt breytist þegar leikmaður írska liðsins, Liam Scales fékk rautt spjald.
Ofan á það fékk England vítaspyrnu og komst í 1-0 á 53 mínútu leiksins. Fimm mínútum síðar var staðan 3-0 og endaði leikurinn 5-0 fyrir enska landsliðið.
Stuðningsmen Írlands sjá framfarir en Heimir hefur stýrt liðinu í sex leikjum. „Þá er árið 2024 á enda hjá Írlandi, við erum 10000% að bæta okkur undir stjórn Heimis. Fyrri hálfleikurinn gegn Englandi sýndi okkur það,“ segir í færslu þeirra.
„2025 verður rosalegt ár, umspil og svo leikir í undankeppni HM.“
That’s it for Ireland in 2024
Overall, we are 10000% progressing under Heimir Hallgrimsson, that first half vs England showed that
We have a huge 2025 to come, a playoff and then World Cup qualifiers
End of the day, proud to be Irish 🇮🇪💚 pic.twitter.com/yIFH3aqfUZ
— IrishPropaganda🇮🇪⚽️ (@IrishPropaganda) November 17, 2024
