Eigendur knattspyrnufélaga og þau sem þeim tengjast eru oft skrautlegir. Twitter-aðgangurinn The Upshot tók saman lista yfir umdeilda eigendur og furðusögur af þeim.
David Sullivan (West Ham)
Byggði upp klámveldi í Bretlandi með 150 kynlífsverslunum. Þá storfnaði hann einnig klámblöð. Sullivan eyddi 71 degi í fangelsi fyrir að lifa á „siðlausum tekjum vændiskvenna.“
Emma Benton-Hughes (West Ham)
Fyrrverandi eiginkona Sullivan og klámstjarna. Bróðir hennar stýrði aðdáendahópi hennar.
He Shihua (Zibo Cuju)
Bjargaði félaginu frá gjaldþroti. Setti sjálfan sig svo í treyju númer tíu og heimtaði að þjálfarinn skipti sér inn á í leik. Skömmu síðar lét hann þjálfarann velja vel þrekinn son sinn í leik. Zibo Cuju endaði á botni deildarinnar.
Mohamed Al-Fayed (Fulham)
Hann átti Harrods-verlslunina og var mikið úti á gólfi að reyna við viðskiptavini. Þá tróð hann peningum inn á föt starfsmanna. Árið 1999 heimsótti Michael Jackson leikmenn Fulham þar sem þeir voru inni í búningsklefa og þá sagði Al-Fayed við þá: „Felið á ykkur typpið drengir.“
Daniel Levy (Tottenham)
Sir Alex Ferguson sagði eitt sinn að það að semja við Levy væri sársaukafyllra en mjaðmaskiptiaðgerð hans. Eftir að Luka Modric var seldur til Tottenham frá Dinamo Zagreb spurði króatíska félagið hvort það gæti fengið fimm treyjur með nafni hans. Levy samþykkti en dró svo 50 pund af 20 milljóna punda kaupverðinu fyrir treyjunum.
Evangelos Marinakis (Nottingham Forest)
Lenti í vandræðum í Grikklandi þar sem hann var sakaður um að flytja inn heróin og að hafa áhrifa á úrslit knattspyrnuleikja. Hann var sýknaður af ásökunum um að hafa áhrif á dómara. Hann hélt því fram að hann hitti þá bara fyrir leiki til að óska þeim góðs gengis.
Eigandi listagallerís í Aþenu neitað einu sinni að selja Marinakis málverk. Tveimur dögum síðar réðust menn inn í galleríið og heltu jógúrt yfir málverkið.
Mike Ashley (Newcastle)
Einn frægasti eigandi allra tíma. Leiddist stundum á fundum og lagði sig undir borði. Hann neitaði að standa upp þar til einhver kæmi með áfenga drykki. Ashley hélt stundum drykkjukeppni á miðjum fundum. Eitt sinn ældi hann í eldstæði eftir eina slíka.
Sam Hammam (Wimbledon/Cardiff)
Þegar hann keypti varnarmanninn Spencer Prior 2001 lét hann klásúlu í samning kappans sem neyddi hann til að borða kindaeistu. Prior gerði það.
Charlie Methven (Sunderland)
Varð þekktur í þáttunum Sunderland til I die. Reyndi að hafa áhrif á tónlistina á heimavelli félagsins og líkja stemnigunni við „Rave á Ibiza.“ Methven sagði svo að fólkið í Sunderland vantaði viðskiptavitið sem fólkið í suðrinu hafði.
Stewart Donald (Sunderland)
Vann með Methven hjá Sunderland en var ekki eins áberandi. Á svipuðum tíma var hann að yfirgefa eiginkonu sína fyrir strippdansara sem hann hitti á strippstað í Southampton.
Nasser Al-Khelaifi (PSG)
Eftir tap gegn Real Madrid sagðist hann ætla að drepa einn þjálfara þeirra og sló símann úr höndunum á honum. Hann óð svo brjálaður inn í búningsklefa dómara
Roman Abramovich (Chelsea)
Það eru til margar sögur af Abramovich, enda þekkja hann flestir. Eitt sinn lét hann senda Sushi frá fínum veitingastað í London til Bakú í Aserbaídjan. Þetta kostaði 40 þúsund pund og er dýrasta ‘take-away’ máltíð sögunnar.
Todd Boehly (Chelsea)
Í kjölfar þess að Bandaríkjamaðurinn eignaðist Chelsea var eitt það fyrsta sem hann gerði að heimta að liðið spilaði 4-4-3 kerfi, sem auðvitað gengur ekki upp.
