„Settu virðingu á nafnið, nokkrir titlar og lag ársins,“ syngur landsliðsmaðurinn Logi Tómasson á nýrri plötu sem kom út í dag.
Logi sem gengur undir nafninu Luigi í tónlistinni gaf út sína fyrstu plötuna Alltaf sami Lui í dag.
Logi er atvinnumaður í Noregi og er orðinn lykilmaður í landsliðinu. „Byrjaði sem draumur en nú orðið að veruleika,“ syngur Logi einnig.
Logi vann titla með uppeldisfélagi sínu Víkingi áður en hann fór í atvinnumennsku og gaf út lag ársins á síðasta ári.
Logi gaf þá út lagið Skína með Prettyboitjokko.
