Robin Le Normand miðvörður Atletico Madrid verður frá í einhvern tíma eftir alvarleg höfuðmeiðsli í leik gegn Real Madrid um helgina.
Le Normand fékk það sem kallast “epidural hematom“ sem er blæðing milli heilahimna og höfuðkúpu
Le Normand var ein af hetjum sumarsins þegar hann var í mjög stóru hlutverki hjá Spáni þegar liðið varð Evrópumeistari.
Varnarmaðurinn fékk höggið undir lok leiksins gegn Real Madrid og missir af næstu leikjum vegna þess.
„Skoðun sérfræðinga leiddi í ljós að hann fékk heilaskaða og blæðingu milli heilahimnu og höfuðkúpu. Hann mun fara í gegnum sérstakt ferli áður en hann fær að snúa aftur,“ segir í yfirlýsingu félagsins
