Það eru einhverjir sem muna eftir manni að nafni Des Lynam sem er fyrrum þáttastjórnandi Match of the Day á Englandi.

Lynam er í dag 81 árs gamall en hann tjáði sig um stöðu þáttarins í dag sem er oft í umsjón kvenkyns sparkspekinga.

Það er eitthvað sem Lynam er ekki of hrifinn af en hann vill meina að það sé allt annað að spila fótbolta í karlaflokki og í kvennaflokki.

Í Match of the Day er fjallað um ensku úrvalsdeildina en um hverja helgi eða í hverri viku er farið yfir leiki hverrar umferðar fyrir sig.

Þessi ummæli Lynam hafa ekki farið vel í alla en sjónvarp hefur svo sannarlega breyst frá því Lynam var að stýra þættinum á sínum tíma.

,,Ég hef ekkert á móti kvenkyns þáttastjórnendum. Hins vegar þegar þú ert sparkspekingur og ert að gefa þínar skoðanir þá þarftu að hafa spilað leikinn og þekkja hvað þú ert að tala um, þar að segja karlafótbolta,“ sagði Lynam.

,,Það er bara mín skoðun,“ bætti Lynam við og fór svo í að ræða félagið sem hann styður, Brighton.

,,Ég hef stutt Brighton allt mitt líf en ég get ekki nefnt liðið í dag. Það eru aðeins tveir sem ég þekki, hinir eru erlendir strákar sem eru frá Suður-Ameríku og þessháttar.“