Svo gæti farið að Manchester United selji Aaron Wan-Bissaka en hann á minna en tólf mánuði eftir af samningi sínum.
Þannig segir enska blaðið Metro að West Ham hafi áhuga á að kaupa hann í sumar.
Wan-Bissaka spilaði mikið á síðustu leiktíð vegna meiðsla en United telur sig geta fengið nokkra fjármuni fyrir hann í sumar.
Wan-Bissaka er 26 ára gamall en hann kom til United frá Crystal Palace þegar Ole Gunnar Solskjær var stjóri liðsins.
Bissaka er öflugur varnarmaður en hann hefur átt í vandræðum sóknarlega sem er eitthvað sem pirrar Erik ten Hag.
