Hinn magnaði Lamine Yamal, sem verður 17 ára síðar í þessum mánuði, hefur endurtekið afrek Cristiano Ronaldo á EM sem nú stendur yfir með Þýskalandi.
Yamal, sem er leikmaður Barcelona, er lykilmaður í liði Spánar sem tryggði sér sæti í 8-liða úrslitum EM í gær með sigri á Georgíu. Yamal lagði upp mark í leiknum og hefur þar með lagt upp tvö mörk á mótinu.
Enginn táningur hefur gert það síðan Cristiano Ronaldo lagði upp tvö mörk fyrir Portúgal á EM 2004.
Þá var Ronaldo 19 ára gamall og Yamal því sá yngsti til að ná þessu.
Ronaldo er auðvitað enn að og mætir Slóveníu með portúgalska landsliðinu í 16-liða úrslitum EM í kvöld.
2 – Lamine Yamal has made two assists for Spain at #EURO2024 (v Croatia and Georgia); the first teenager to assist multiple goals at an edition of the UEFA European Championship since Cristiano Ronaldo at EURO 2004 (2). Phenom. pic.twitter.com/1wGdLLJzXJ
— OptaJoe (@OptaJoe) June 30, 2024
