Íþróttavikan kemur út alla föstudaga á 433.is og á Hringbrautarrás Sjónvarps Símans. Helgi Fannar Sigurðsson og Hrafnkell Freyr Ágústsson hafa umsjón með þættinum.

Það vakti athygli á dögunum þegar ferð á leik með liði Alberts Guðmundssonar á næstu leiktíð, ásamt pabba hans, Gumma Ben, seldist á 5,1 milljón á uppboði á herrakvöldi Þórs.

Albert er orðaður við stórlið og því ekki ljóst hvar hann spilar á næstu leiktíð, en hann hefur farið á kostum með Genoa á leiktíðinni.

„Menn hljóta að hafa einhverja vissu um að það séu alvöru menn sem bjóði í svona á herrakvöldum og geti staðið undir þessu,“ sagði Helgi um uppboðið í þættinum.

„Þegar þú stjórnar svona uppboðum veistu alveg hverjir í salnum eiga peninga. Þú ert ekki að fara að láta einhvern ungan strák sem á ekki fyrir þessu kaupa þetta. Þegar þú ert kominn í svona upphæð verðurðu að vera viss um að þetta séu „rock solid“ gaurar,“ svaraði Hrafnkell.

„Þetta er mjög nýstárleg leið til að afla tekna,“ sagði Helgi þá og Hrafnkell hrósaði Þórsurum.

„Sú besta sem ég hef séð á svona herrakvöldi. Ef þú átt peninga er þetta örugglega hrikalega skemmtilegt. Þú hittir Albert Guðmundsson sem er stjarna í dag og ferð á leik með honum en veist ekki alveg hvaða liði. Svo er Gummi Ben með og hann er auðvitað hrikalega skemmtilegur maður.“

Umræðan í heild er í spilaranum.

Íþróttavikan er í boði Bola léttöl og Lengjunnar