Ryan Gravenberch gæti verið á förum frá Liverpool í sumar stuttu eftir að hafa komið til félagsins.

Þetta segir tyrknenski miðillinn FotoMac sem vill meina að Gravenberch sé efstur á óskalista Galatasaray fyrir næsta sumar.

Galatasaray vill mikið fá Hollendinginn í sínar raðir og nota hann á miðjunni ásamt fyrrum leikmanni Arsenal, Lucas Torreira.

Í sömu frétt er tekið fram að Galatasaray hafi sýnt Gravenberch áhuga í fyrra en gat ekki borgað jafn háa upphæð og Liverpool sem keypti leikmanninn frá Bayern Munchen.

Um er að ræða 21 árs gamlan miðjumann sem hefur ekki náð að festa sig í sessi í liði Liverpool á tímabilinu.

Hvort Liverpool sé opið fyrir því að selja leikmanninn er óljóst en Galatasaray mun að öllum líkindum reyna við hann eftir tímabilið.