Besta deild karla fer af stað á laugardag og 433.is er að sjálfsögðu með spá fyrir leiktíðina. Spáin var opinberuð í Íþróttavikunni sem kemur út vikulega. Þar voru Helgi Fannar Sigurðsson og Hrafnkell Freyr Ágústsson að vanda og í þetta sinn sat sparkspekingurinn og hlaðvarpsstjarnan Kristján Óli Sigurðsson með þeim.

6. sæti: FH
Lykilmaður: Böðvar Böðvarsson
Niðurstaða í fyrra: 5. sæti

,,Kjartan Henry skoraði svolítið í fyrra, einhverjir leikir verða búnir þegar Úlfurinn mætir og svo er hann farinn aftur í ágúst eða eitthvað. Það verður akkilesarhæll FH, hvernig ætla þeir að koma boltanum í netið?“ sagði Kristján.

,,Svo er stóra spurningin líka þar, enn eitt liðið með markmansstöðuna, Sindri Kristinn hefur vægast sagt litið illa út í nokkrum leikjum í vetur en nú eru þeir að kaupa bróðir hans í vörnina, spurning hvort það hjálpi eitthvað.“

Hrafnkell bætir við:

,,Ég mana ykkur að skoða bekkinn hjá FH og tékka hvað þið þekkið marga. Ég sá byrjunarliðið og þar eru strákar sem ég kannast mjög lítið við. Arnór Borg er þarna, Baldur Kári hefur spilað eitthvað í vetur en það eru margir þarna sem ég kannast ekkert við.“