Dregið hefur verið í riðla í undankeppni EM kvenna 2025 sem fram fer í Sviss. Drátturinn fór fram í höfuðstöðvum UEFA í Sviss.
Ísland var í þriðja styrkleikaflokki og dróst í riðil A3 ásamt Þýskalandi, Austurríki og Póllandi.
Endi Íslands í efstu tveimur sætum riðilsins fer liðið beint á EM en annars fer það í umspil.
„Þetta er sterkur riðill eins og við var að búast, verandi í A deild. Ég held að þetta geti orðið hörku keppni þar sem öll lið munu taka stig af öllum. Það er auðvitað mjög stutt í fyrsta leik þannig að við þurfum að halda þeirri einbeintingu sem hefur verið í síðustu gluggum. Ég tel okkur hafa fengið góðan undirbúning fyrir þessa undankeppni sem mun vonandi skila sér í góðri frammistöðu í komandi leikjum,“ er haft eftir Þorsteini Halldórssyni landsliðsþjálfara á vef KSÍ.
Leikdagar í undankeppni EM
Leikdagar eitt og tvö: 3. – 9. apríl
Leikdagar þrjú og fjögur: 29. maí – 4. júní
Leikdagar fimm og sex: 10. – 16. júlí
Umspil eitt: 23. – 29. október
Umspil tvö: 27. nóvember – 3. desember
