Chelsea er með tvo menn á óskalista sínum fari svo að Mauricio Pochettino verði látinn taka pokann sinn sem stjóri liðsins í sumar.
Það er Guardian sem greinir frá þessu en sæti Pochettino, sem tók við í sumar, hefur hitnað undanfarið. Hefur honum ekki tekist að snúa við afar döpru gengi Chelsea.
Samkvæmt Guardian eru þeir Ruben Amorim hjá Sporting og Roberto De Zerbi hjá Brighton efstir á óskalista Todd Boehly og Chelsea fari svo að Pochettino fari í sumar.
Amorim hefur vakið mikla athygli fyrir starf sitt hjá Sporting og er hann á toppi portúgölsku úrvalsdeildarinnar á undan Porto og Benfica.
De Zerbi hefur þá heillað hjá Brighton frá því hann tók við af Graham Potter á síðustu leiktíð.
Chelsea er sem stendur í ellefta sæti ensku úrvalsdeildarinnar og á mikið verk fyirr höndum.
