Harry Maguire, leikmaður Manchester United, viðurkennir að hann hafi mögulega átt að taka á sig rautt spjald gegn Fulham um helgina.

Maguire var á gulu spjaldi undir lok leiks og hefði getað stöðvað sókn Fulham undir lokin er liðið tryggði sér 2-1 sigur.

Varnarmaðurinn gat brotið á vængmanninum Adama Traore sem lagði upp markið en var hræddur um að fá annað spjald og þar með rautt.

,,Ég var á gulu spjaldi, kannski hefði ég átt að brjóta á honum en þá hefði ég misst af leiknum í næstu viku,“ sagði Maguire.

,,Það er auðvelt að segja það núna en við þurfum að passa okkur meira, við vorum alltof barnalegir í viðureigninni.“

,,Í þessar 90 mínútur þá gerðum við ekki nóg til að vinna leikinn, við svöruðum fyrsta markinu vel og pressuðum að þeirra marki.“

,,Að lokum var okkur refsað og mögulega vorum við með of marga leikmenn framarlega á vellinum.“