Valur Gunnarsson, fyrrum markvörður Leiknis og NFL sérfræðingur var gestur Íþróttavikunnar að þessu sinni. Farið varið yfir sviðið.
Helgi Fannar Sigurðsson og Hrafnkell Freyr Ágústsson voru venju samkvæmt á svæðinu og ræddu fréttir vikunnar.
Rætt var um málefni Alberts Guðmundssonar sem hefur svo sannarlega slegið í gegn á Ítalíu í vetur.
Juventus virðist sýna því áhuga á að kaupa Albert en Fiorentina reyndi að kaupa Albert í janúar og var tilbúið að borga meira en 3 milljarða fyrir hann.
„Ég myndi vilja sjá hann taka stökkið í þau lið, ekki í Fiorentina því þeir eru ekki með nógu mikinn stöðugleika í toppbaráttu,“ sagði Hrafnkell
Valur væri hræddur við að sjá Albert taka skref í Juventus eða stærri lið Ítalíu.
„Ég væri smá hrædddur um það, ekkert eðlilega gaman að horfa á hann spila. Platini lúkk á honum, ef hann byrjar illa hjá Juventus hvað verður um hann þá? Þetta er smá aumingja hugsunarháttur. Ég vil að horfa á hann spila, ég er hræddur við það ef hann færi í Milan, Juve og þau lið.“
Hrafnkell telur að ef Juventus lætur til skara skríða þá fái Albert stórt hlutverk þar. „Þeir tala um að Juventus ætli að selja Chiesa til að koma Alberti fyrir.“
„AZ Alkmaar, þar var hann oft í brekku þar. Maður vissi alltaf innst inni að þarna væru hæfileikar, ég hef alltaf haft þá tilfinningu í landsliðinu að það þurfi að finna stöðu fyrir hann.“
Umrðæan er hér að ofan.
